牛奶糖

2013年10月20日星期日

小南國四個女人一個墟大閘蟹聚會

套餐食物種類好多，可惜蟹只有一只及較小，不過之前大肚加人奶成二年無食，淺嘗都好開心！
最好味是那蟹粉,係好多野食,不過質素一般,個湯好重味精味,小籠包個皮好薄,但個味同個生煎包一樣都係加左味精甘,反而個紅燒肉好好食,朋友們怕肥,我ORDER了白飯一起食,正!

備月巴幼稚園面試,想起之前看過一個小學校長的訪問,看完覺得很反感,內容是提及如何在面試中了解到學生的眼界,他說他會問小孩子是否看過煙花,答國慶煙花不合格,至少要是迪士尼或是外地的體驗,跟著他又舉另一條問題,問孩子在那裡吃海鮮好,他說答西貢只勉強合理,要答香港仔定唔知三聖定咩。看完膚淺校長的訪問,我仲同老公講說,甘月巴不用擔心,月巴可能答校長,食海鮮我喜歡去日本漁市場,北海道去二條市場,不一定吃新鮮的,網走的一夜乾比真鮮魚更有風味,沖繩就去第一牧志,生蠔我會去法國,不過最新鮮當然是去漁港吃,可以選擇到馬賽<=但懂得這些又代表些甚麼? 又不是招聘旅客飲食雜誌的記者,一個學生的眼界,不是他對社會時事的知識嗎?而小學生,不是了解他生活上的常識及自理能力嗎?
早前外子分享女兒上PLAYGROUP 情況,老師問同學們有沒有坐過巴士,全班鴉雀無聲,跟住問小巴呢,又係雀仔飛過都聽到聲,跟住家長們一面尷尬,想來平時都是私家車出入,如果直資小學面試題目是問地鐵有咩站,要數三個,另外要舉出三種過海的交通工具,應該比煙花同食海鮮更考起小朋友吧,現在教育令貧富學生更壁壘分明,有錢就走去直資,國際學校,他們生活圈子沒機會接觸其他階層的人,將來如果他們成為政策的制定者,官員,他們會怎樣看這個社會?可能會說窮人無飯食,點解佢地唔去食海鮮?之前試過接待國際學校學生了解露宿,他們真的會答他們覺得露宿的人都是自找的,如果這些是我們將來的棟樑,會是一個怎樣的社會? 學生無錯,因為他們真的看不到世界的其他面向,錯的是整個教育制度!

2013年10月13日星期日

淺水灣酒店露台餐廳半天遊

隔了2個月又重遊淺水灣酒店,呢間酒店在不小張愛玲在小說中出現,傾城之戀在這裡發生,小團圓中張愛玲的媽媽來香港時亦曾在此居住,之前以為酒店於重建成影灣園後已拆卸,怎知早前來知悉原來部分仍保留,當然要去朝聖一番,怎知道上次拍的照片全不見了,幸好老公今次與我從遊,不過月巴是次不在狀態,不太願意合照,真的人算不如天算,不過唔緊要啦,唔係下次邊有藉口又再來呢

麵包好好味,外脆內軟,仲要熱的,不過由於頭盤同甜品都精彩,所以只是淺嘗,反而月巴是主力食那一位,最好味是那右上蕃茄包,同小朋友去都唔怕無野食

月巴主力食生果

最好味是頭盤,雖選擇不多但水準高,密瓜又軟又甜

個牛肉湯一般啦

都幾足料

主菜相對失色,好咸的腸,,,

個天使麵不過不失啦

甜品好味,不過其實都是一般酒店buffet水準,選擇亦不算多,其實呢度主要食環境同氣氛多:p

最欣賞所有餐具都是銀,估不到甜品buffet 外仲有petits four,呢個甜品非常甜,不過伴茶非常好,食一啖再飲啖茶中和一下,為整個午膳畫上圓滿句號

2013年10月6日星期日

DINNER @國金軒

由於外星人二姐是MIRA vip,去國金軒食飯有75折同埋無min charge用vip房,岩岩外星人媽媽生日,就去了慶祝

好精緻又不肥的填鴨,鴨無咩油份唔會肥,配料多選擇,最特別是薑絲,估不到味道好夾,反而三種不同味的皮其實味道上唔係好食得出

價錢是五星酒店級,食完comment是Presentation好靚的中菜，最好味清湯牛腩同炸豆腐，外脆內軟

Fine dining中的月巴，少有的變了小淑女^^

2013年9月15日星期日

2013北海道溫泉美食自駕遊DAY 7-8

新阿寒飯店 [阿寒湖、丹頂之里]房間望出去的VIEW

酒店包一泊2食,又有溫泉浸,好抵住

沿途風景,北海道好靚,周圍都似風景畫

好出名的十勝豬肉飯

呢位小朋友好開心

豬肉飯有特同上之分,只是豬肉數量不同,個汁好似已有幾十年歷史,幾好味,似我地D老抽

羊之丘展望台,望到北海道全景

之後去左行三井OUTLET

呢度好多名牌,不過唔算抵,COACH 同美國代購差不多,如果POLP 童裝,更加係找美國代購平好多,所以無咩買比阿女

特別在底下那層有農產品墳,好慘,無咩人行,遊客又不會買,其實整個廚房,買完可以代煮應該會受歡迎 — at 北海道.

Sapporo Beer Museum

無份食都好開心的BB

在整個中日交流過程中月巴好主動,但個日本妹妹好驚,最後敗走

Renaissance Sapporo Hotel,本來想讚好抵,因為房大酒店靚同埋只是6百大元一晚好平,點知用AGODA BOOK,不知是否系統問題,竟然顯示每間雙人房只住1人,係香港人角度當然無問題,但日本人角度雖然是雙人房,但只可以1人住,最後交涉不成功,只好即時上網BOOK 多2間房,火! — at 北海道.